اشياء لو فعلناها فى رمضان ندخل الجنة ان شاء اللة

السلام عليكم ورحمة الله وبركاته

طبعاً
ياجماعة كلناعارفين إن شهر رمضان شهر الخير ومضاعفة الحسنات , ربنا سبحانه
وتعالى بيضاعف فيه الأعمال والحسنات والأجور لأنه شهر الكرم والجود والله
عز وجل أكرم وأجل الأكرمين فهو ذو الجلال والإكرام
لذلك تعالوا نوضح بطريقة حسابية بسيطة الأجور المضاعفة فى شهر الخير , هى طريقة اجتهادية الغرض منها التحفيز من أجل العمل
لذلك
أرجو من إخوانى أهل التحقيق والمتمسكين بالأدلة إن وجدوا خطأً بها
فليوضحوه لنا فأنا لست من الذين يبحثون عن النظريات الحسابية فى الدين ,
نسأل الله الرشد والتوفيق والهداية للجميع

1 - الفريضة :
الفريضة الواحدة = 70 فريضة , بمعنى إن أجر الفريضة فى رمضان يعادل أجر 70 فريضة فى الأيام العادية
2 - النافلة أو السُنة :
النافلة أو السُنة = فريضة
ركعات
السُنة التى نتقرب بها إلى الله عز وجل بعد كل صلاة مكتوبة أو قبلها كما
ورد فى السنة الصحيحة تعادل فى شهر رمضان فريضة فيما عداها , يعنى مثلاً
أنا هصلى ركعتين سُنة قبل الظهر أو بعده هاتين الركعتين تعادل فريضة مثل
فريضة الظهر مثلاً فى الأيام العادية

3 - صلة الرحم :
طبعاً صلة
الرحم من أهم ما وصى بها اسلامنا , بل وذم الله عز وجل من يقطعون الأرحام
وتوعدهم بالعذاب ووصفهم بأنهم مفسدين كما أثنى الله عز وجل على من يصل
رحمه وتوعده بالرحمات والصلة والقرب من الله عز وجل , كما أن الرحم معلقة
بالعرش
تدعو الله عز وجل بأن يصل من وصلها , وأن يقطع من قطعها وهى من اهم الأعمال التى تزيد بركة فى العمر والرزق هذا فى الأيام العادية
فما بالنا فى شهر رمضان .

4 - القرآن الكريم :
شهر
رمضان ياجماعة هو شهر القرآن نزل فيه القرآن بل إنه يسمى بشهر القرآن ,
لذلك فإن القرآن له أهمية كبرى فى هذا الشهر ففى الأيام العادية غير رمضان
من المعلوم أن قراءة كل حرف = 10 حسنات , أما قراءة القرآن فى الصلاة فإن
الحرف الواحد = 100 حسنة هذا فى الأيام العادية أما فى شهر رمضان فتعالوا
نحسبها :
حضرتك دلوقتى هتقرأ مثلاً جزء من القرآن بالتقريب الجزء به حوالى 7000 حرف , الحرف بـ 10 حسنات والثواب فى رمضان مضاعف إلى 70 ضعف
يعنى لو جينا نحسبها هنلاقى :
10 حسنات * 7000 حرف تقريباً فى الجزء * 30 يوم * 70 ثواب = 147 مليون حسنة
ده للى بيحافظ على قراءة جزء يومى وناوى يختم القرآن مرة واحدة فى الشهر والله يضاعف لمن يشاء

طيب بالنسبة للقرآن فى الصلاة , يعنى اللى بيصلى فى صلاة التراويح أو فى الصلاة المكتوبة تعالوا نشوف
حرف القرآن فى الصلاة = 100 حسنة , والأجر المضاعف فى رمضان = 70 ضعف يعنى :
100 * 70 = 7000 حسنة , يعنى الحرف الواحد فى الصلاة ب7000 حسنة إن شاء الله والله يضاعف لمن يشاء
ده الحرف الواحد , طيب لو تخيلنا الجزء بيساوى كام حسنة

5 - الصلوات الخمس : طبعاً الصلاة فى شهر رمضان تعادل 70 صلاة فيما سواها من الأيام , والصلوات خمسة فى العمل وخمسين فى الأجر
بمعنى إننا هنقول
5 صلوات * 10 حسنات * 70 ثواب * 30 يوم = 105 ألف حسنة والله يضاعف لمن يشاء
طيب دلوقتى أجر الصلوات الخمس فى شهر رمضان 105 آلاف حسنة , ومن المعلوم أن صلاة الجماعة تفوق صلاة الفرد بـ 27 ضعف
يعنى 105 ألف حسنة * 27 ضعف = 3 مليون حسنة والله يضاعف لمن يشاء.

6 - الدعاء :
كلنا
عارفين ياجماعة إن الدعاء هو شطر العبادة , وربنا سبحانه وتعالى بيحب من
عباده إنهم يدعوه ويستجيروا به لأن الدعاء هو قمة التذلل للخالق سبحانه
وتعالى فإذا كان هناك فى أيامنا العادية أوقات يستجاب فيها الدعاء مثل
الثلث الأخير من الليل وغيرها من الأوقات فإن فى شهر رمضان يكون الخير أعم
وأوسع
لذلك فلنكثر من الدعاء لأن الله عز وجل أكرم الأكرمين فى هذا
الشهر الكريم وهو يستجيب لعباده ونحن فى أشد الإحتياج إليه فهناك دعوة
مستجابة لكل صائم فلنستغلها وكذلك الدعاء بظهر الغيب لنا ولمن نعرفهم
وندعوا لأمتنا فنحن فى أحوج ما نكون للدعاء.

7 - الصدقة :
شوفوا لو واحد دفع 10 جنيه مثلاً لفقير ربنا هيضاعفها أد ايه والمؤمن فى ظل صدقته يوم القيامة فرمضان فرصة مثالية للصدقات.

8 - التوبة الصادقة :
التوبة
ياجماعة أهم حاجة ربنا سبحانه وتعالى عايزها مننا شوفوا البلاءات
والابتلاءات اللى كلنا بنعانى منها , ربنا سبحانه وتعالى هيرفعها عننا
بتوبة صادقة وشهر رمضان فرصة مثالية للتوبة النصوح لأننا بنلاقى اللى
بيعينا عليها.

الأمثلة كتيرة بس أنا هكتفى بالعناصر دى
ويالا
نجتهد ياشباب ونعمل زى سيدنا عبد الله بن عمرو بن العاص لما راح للنبى
وقاله أنا عايز استمتع بشبابى , والتمتع هنا كان بقراءة القرآن يعنى حضرتك
ناوى تختم القرآن مرة واحدة خليها مرتين أو 3 مرات إنت المستفيد
صحيح نسيت أهم حاجة نخليها رقم 9
9 - ليلة القدر : تساوى عبادة أفضل من عبادة ألف شهر يعنى عبادة 83.33 سنة تقريباً
يعنى مضاعفة وبركة فى العمر قى ليلة واحدة

ربنا يوفقنا جميعاً لطاعته ويجعل شهر رمضان فرصة كبيرة للتغيير , هنتغير بجد لأن هذا التغيير مبنى على علم وعمل وعلى يقين

سبحانك اللهم وبحمدك أشهد أن لا إله إلا أنت أستغفرك وأتوب إليك